WASHINGTON SUMMER SCHOOL

Zhvillimi dhe Politika Nderkombetare

21 Shtator - 6 Tetor 2019, Washington, DC

Click here for the English Version | Klikoni ketu per Versionin ne Anglishte

 

Hyrje

Në botën e sotme, është bërë pothuajse detyrë profesioniste me i ndjekë zhvillimet botërore, posaçërisht për ata që studiojnë ose punojnë në marrëdhëniet ndërkombëtare, biznes ose tregti. Por jo të gjitha zhvillimet kanë të njëjtin ndikim në fushën tuaj të studimeve ose punës. Prandaj, është e domosdoshme për profesionistët e rinj dhe shkollarët e të sotmes të kenë, të paktën, një pasqyrë themelore të zhvillimit ndërkombëtar dhe politikës ndërkombëtare. Këto dy fusha studimi janë të veçanta, por tejet të ndërlidhura.

Për t’iu dhënë shkollarëve të rinj (studentëve diplomikë) dhe studentëve mundësinë për t’i eksploruar temat kyçe në këto dy fusha, fondacioni The Bislimi Group (TBG) ka nderin t’ju ofrojë programin Shkolla Praneverore e Washingtonit për Zhvillimin dhe Politikën Ndërkombëtare. Ky program do të mbahet nga 21 Shtator - 6 Tetor 2019 në Washington, D.C. Jemi më se të ngazëllyer t’ju njoftojmë se pjesëmarrësit e programit do të jenë mysafirë të Universitetit Trinity të Washingtonit në Washington, D.C.

Per te mesuar me shume per kete program dhe per te pare disa foto nga edicionet e mepareshme te tij, shiqoni: Washington Winter School 2014 dhe Washington Spring School 2015, si dhe Washington Spring School 2016.

 

Komponetet Kryesore te Programit

Ky është program dyjavor i nga pesë pika kyçe:

- Seminarët e përditshëm (3-4 orë në ditë, nga e hëna deri të premten) mbi çështjet thelbësore të zhvillimit dhe politikës ndërkombëtare;
- Takime zyrtare dhe vizita me anëtarët dhe stafin e Kongresit të Shteteve të Bashkuara, ambasadorë (ose diplomatë rangu) të disa Ambasadave në Washington, D.C. (të gjitha këto takime janë në konfirmimin e sipër);
- Vizita në vendet dhe pikat historike në Washington, D.C.;
- Udhëtim fundjave (nje-ditor) në qytetin e New Yorkut, duke perfshire edhe vizite ne Seline e OKB-se.
- Krijimi i lidhjeve profesionale.

Pjesëmarrësve do t’u sigurohet të gjitha materialet mësimore. Tekstet janë anglisht. Megjithatë, ligjëratët do të mbahen shqip. Andaj, pjesëmarrësve u duhet njohja themelore e anglishtes. 

Në mbarim të programit, secilit pjesëmarrës i ndahet Certifikata e Përfundimit.

 

Pjesemarresit

 

Ky program ka për synim t’iu shërbejë studentëve (zakonisht, të vitit të tretë dhe të katërt) të shkencave politike, ekonomisë, biznesit, administratës publike ose një shkence tjetër të ndërlidhur. Programi është i hapur për studentë pasdiplomikë të ndonjërës nga fushat e përmendura si dhe profesionisteve te rinje, qe punojne ne ndonje pozite te nderlidhur me temen e programit, që mendojnë ose janë të kyqur politikisht si dhe pjestarë të shoqërisë civile.

Pjesëmarrësit e mundshëm duhet të dërgojnë një CV dhe një letër motivuese (e cila shpjegon interesimin e tyre për programin si dhe liston te gjitha shtetet qe kane vizituar ne pese vitete e kaluara) permes APLIKACIONIT ONLINE deri te Premten, 16 Gusht 2019. Per ndryshe, keto dokumente mund t'i dergojne edhe në adresën washington@bislimi.org.

Për shkak të kufizimeve të veta financiare, fondacioni TBG i këshillon pjesëmarrësit e mundshëm të kërkojnë burime tjera për të mbuluar shpenzimet që ndërlidhen me pjesëmarrjen në program.

Sapo t’u jetë ndarë një vend në program, fondacioni TBG do t’u ndihmojë pjesëmarrësve që të aplikojnë për vizë vizitore të Shteteve të Bashkuara.

Kosto e Programit, Transporti, dhe Akomodimi

Kostoja e programit është 2.850,00 dollarë amerikanë për pjesëmarrës. Fondacioni TBG do t’i ndajë bursë në vlerë prej 850,00 dollarësh amerikanë çdo pjesëmarrësi të përzgjedhur për të mbuluar pjesen me te madhe te shpenzimeve arsimore (tuition) të programit.

Pjesa tjetër e shpenzimeve për çdo pjesëmarrës është vetëm 2.050,00 dollarë amerikanë dhe përfshin: transferin nga aeroporti ne Washington, transportin lokal gjate programit, librat dhe materialet tjera mësimore, akomodimin, biletën kthyese të autobusit për udhëtimin në New York dhe biletën e vizitorit për katin e 86-të të terrasës vështruese në ndërtesën “Empire State” në Manhattan të qytetit të New Yorkut.

Kosto e programit nuk perfshine avio bileten ktheyese. Pjesemarresit jane vet pergjegjes per sigurimin e aviobiletes dhe mbulimin e kostos se saj. Ne mund t'ju ndihmojme pjesemarresve qe te sigurojne tarife grupore per aviobilete me cmim me te lire. Para nisjes, të gjithë pjesëmarrësit do të ndjekin një sesion orientues në zyrat e fondacionit TBG në Prishtinë. TBG do të sigurojë udhëtimin nga aeroporti i Washingtonit pas mbërritjes dhe për në aeroport pas mbarimit të programit. Pjesëmarrësit do të akomodohet në një mjedis të përshtatshëm për studentët në Washington, D.C. Do t’u sigurohen dhe biletat e metrosë për transportin vendor. Studentët do të jenë përgjegjës për ushqimin dhe koston e ushqimit.

Ligjeruesi dhe Drejtori i Programit

 

Profesori Faton Bislimi do të shërbejë vullnetarisht si ligjërues kryesor dhe drejtor i programit. Z. Bislimi është aktualisht studiues pasdiplomik në Qendrën e Ekselencës për BE-në pranë Universitetit të Albertës në Kanada, ku ai po punon doktoraturën në shkenca politike dhe është përfitues i çmimit “SSHRC Joseph Armand Bombardier Doctoral Award.” Para se të vinte në Universitetin e Albertës, z. Bislimi ishte ligjërues i ekonomisë dhe zhvillimit ndërkombëtar në Universitetin Dalhousie dhe Universitetin Mount Saint Vincent në Halifax, Nova Scotia, të Kanadasë. Ai po ashtu ka dhënë mësim në Universitetin Amerikan në Kosovë dhe Kolegjin Universitar Victory në Prishtinë. Jashtë botës akademike, z. Bislimi ka shërbyer në pozita menaxhuese dhe profesioniste në shumë organizata ndërkombëtare dhe ndërqeveritare, siç janë UNDP, RTI International/USAID, OSCE, etj. Z. Bislimi mban titujt master i arteve në marrëdhënie ndërkombëtare (Universiteti Dalhousie, 2010), master i shkencave në zhvillim ndërkombetar dhe administratë publike (Universiteti Harvard, 2007), si dhe baçelor me nderime i shkencave dhe arteve në shkenca kompjuterike dhe matematikë (Universiteti Luterian i Teksasit, 2005). Ai është autor i disa librave dhe punimeve të botuara dhe është shpërblyer me shumë çmime e mirënjohje prestigjioze për veprimtarinë akademike e udhëheqëse dhe shërbime për komunitetin. Z. Bislimi është themelues dhe kryetar i fondacionit The Bislimi Group dhe tani banon në Edmonton, Alberta, të Kanadasë, me të shoqen dhe dy vajzat.

 

Pyetje

 

Ju lutemi mos hezitoni te na kontaktoni ne washington@bislimi.org apo direkt me Koordinatorin e Programit z. Burim Korqa në burimkorqa@gmail.com ose në telefonin +383 (0) 49 112 113.  Ju falemnderit. Per te aplikuar per kete program, plotesoni Aplikacionin Online!