Mirësevini në Faqën Zyrtare të
The Bislimi Group
...duke ndihmuar në realizimin e ëndërrave...

English

 Faqja Amë
 

 Shkrimet
 

 Intereset
 

 Komentet
 

PROJEKTET:

Bursat për Studime Universitare në Amerikë 2007-2008

Shërbimet për Studentë

Arkivi i Lajmeve:

Pritet Rritja e Programit te Bursave Arsimim per Paqe ne 2008

Sfidon Partite per te Ardhme me te Mire per Gjilanin - Faton Bislimi ne Zgjedhjet 2007

Bislimi - Panelist Nderkombetar ne Konferencen Nderkombetare te CESA-s ne Kanada

Perzgjidhen Fituesit e Bursave Arsimim per Paqe 2007-08

Bislimi Magjistron dhe Nderkohet me Mirenjohje nga Klasa MPAID-07 e Harvardit 

Pakot e Aplikacioneve për vitin shkollor 2007-08 tani mund të merren online

Bislimi Flet para Bordit të Drejtorëve (Senatit) të Texas Lutheran University

Promovohet Libri "Në Rrugëtim me Kosovën" i autorit Faton Bislimi

Përzgjidhen Fituesit e Bursave Arsimim per Paqe 2006-07

Zv. Kryeministri i Kosoves Falemderon TLU-ne dhe Fondacionin per Programin e Bursave Arsimim per Paqe

Pakot e Aplikacioneve për vitin shkollor 2007-08 do të distribuohen në Mars 2007
 

Promovohet Libri "Në Rrugëtim me Kosovën" i autorit Faton Bislimi

Prishtinë, 28 Qershor 2006—Në Biblotekën Kombëtare Universitare të Kosovës në Prishtinë, sot u promovua libri i Faton Bislimit “Në Rrugëtim me Kosovën” (për të porositur librin, na shkruani në publications@bislimi.org apo në tel. 044-132-879). Promovim e ndoqën dhjetra dashamirë të shkrimit, familjarë e miq të autorit. Edhepse në moshë mjaft të re, Bislimi del para lexuesit shqiptar më një libër, një “arkivë të mendimeve e sfidave” siç u shprehë autori.

Nga e djathta: Faik Shkodra, Avni Spahiu, Ramiz Tafilaj, Faton Bislimi

Pjesëmarrësit e shumtë në promovim

Nën udhëheqjen e studijuesit e publicistit Avni Spahiu, i cili e vlerësoi lartë punën dhe personalitetin e Faton Bislimit, në këtë promovim fjalën kryesore e mbajti Dr. Faik Shkodra, studijues, shkrimtar, dhe kritik letrar. 

Për më shumë në lidhje me librin dhe promovimin, ju ftojmë të lexoni vlerësimin e plotë të Dr. Shkodrës si dhe shkrimet e të përditëshmëve të Kosovës në vijim.

Libër mbi Historinë, Dashurinë, dhe Fatin e Kosovës
Nga Dr. sc. Faik Shkodra (botuar në Epoka e Re)

Bota Sot: Një Frymëmarrje e Vërtetë Shqiptare në Ajrin e Amerikës

Gazeta Express: Rrugëtimi i Bislimit

Iliria Post: Kosova, Kryefjalë e Librit të Faton Bislimit

Lajm: Rrugëtimi i Shqiptarëve

Zëri: Një Libër që Flet për Shpresat dhe Zhgënjimet Tona

LIBËR MBI HISTORINË, DASHURINË DHE FATIN E KOSOVËS

 Sot kemi nderin dhe kënaqësinë të marrim pjesë në përurimin e librit të krijuesit, mendimtarit dhe të riut të vyeshëm Faton Bislimi, me titull simpatik dhe simbolik “Në rrugëtim me Kosovën – Tatëpjetat dhe të Përpjetat” 2004 – 2005, botues; Jalifat Group – Houston, Texas, Shtetet e Bashkuara të Amerikës, prill 2006.

       Vepra para së gjithash mbështetur në përmbajtjen dhe lëndën që shtron është fryt dhe rezultat i punës, i ndjenjës, i përkushtimit dhe i idealeve të forta dhe mbi të gjitha i zotimit të tij vetëmohues në të mirë të ndriçimit, të artikullimit dhe të trajtimit të çështjes sonë kombëtare në deceniet e viteve 1981 deri në ditët e viteve 2005 e tutje.

       Me këtë rast më duhet të theksoj se Faton Bislimi është një i ri, karakterin dhe natyrën e të cilit e shquan vullneti i mirë dhe veprimet e inisiativat konstruktive. Përse mund të thuhet kështu? Mund të thuhet kështu se Fatoni nga bangat e shkollës fillore, të mesme e sidomos si student e pjesëmarrës në takimet e shumta të Konferencave dhe tubimeve me karakter ndërkombëtar, është siç dihet njëri që me kohë është mishëruar me artin, me punë krijuese, me hulumtime dhe interpretime të problemeve, të cilat në mënyra të ndryshme kanë zgjuar kërshërinë dhe interesin e tij. Êshtë vendi, pra, të thuhet me këtë rast se ky zotim, kjo gatishmëri për sakrifica të kësaj natyre – mbi të gjitha është tipar, është virtyt dallues i profilit të njeriut, të të riut për t’u bërë pjesë e pandashme e çështjes sonë kombëtare, e cila në përgjithësi grish edhe tani e gjithë ditën për të kontribuar në zgjidhjen e saj në të gjitha rrafshet që kanë të bëjnë me fatin dhe përspektivën e shqiptarëve, jo vetëm të Kosovës por të të gjithë shqiptarëve gjithandej ku jetojnë e punojnë ata.

       Nëqoftëse kemi parasysh çështjet që Fatoni i ka bërë objekt trajtimi – atëherë edhe mund të thuhet se kryefjalë e gjithë veprës që ka kapë mbi 394 faqe është Kosova, është mbajtja gjallë e idealit të madh kombëtar, është dëshirë që ta thotë të vërtetën ashtu siç po zhvillohen ngjarjet dhe proçeset rreth Kosovës dhe për Kosovën. Êshtë, pra, një ndjenjë patriotike e këtij të riu, është shpalosja e shestimeve dhe brengave e iluzioneve që kanë vërshuar udhëheqjen dhe UNMIK-un, është si të themi një shfaqje e mendimeve autoktone në këtë kohë shpresash dhe zhgënjimesh, në këtë kohë kur shqiptarët përkundër viktimave dhe gjakut të derdhur aq shumë për lirinë dhe pavarësinë e vet, ballafaqohen me rrezikun e mbetjes edhe më tutje komb i ndarë, popull i copëtuar dhe komb i atomizuar. Êshtë, pra, vepër që grish për syçeltësi e për veprime më konstruktive drejtë zgjidhjes sa më të drejtë dhe sa më të mirë të problemit të Kosovës dhe fatit të shqiptarëve në Maqedoni, në Mal të Zi dhe në Kosovën Lindore. Të gjitha këto brenga janë porosi të mëdha që i reflekton libri i Faton Bislimit.

       Kompozicionin dhe strukturimin e veprës e përbëjnë shkrimet dhe analizat politike, shoqërore, ekonomike, arsimore, sociale, të shtypit dhe rolit të tij në vendet në tranzicion, të botuara në shtypin shqiptar të Kosovës sidomos në “Bota – Sot” dhe atë të Shteteve të Bashkuara të Amerikës. Brenda këtyre shkrimeve të mbarshtruara mjaft suksesshëm Fatoni ngre probleme të ndjeshme, aktuale dhe koherente që pamëdyshje të përvetësojnë me të dhënat dhe argumentet e bollshme të selitura në to.

       Siç mund të shihet nga libri, Fatoni Fatoni është një vështrues serioz, një analist i përgatitur, i cili di t’i rrokë pikat më të ndjeshme të realitetit objektiv të manifestuar në kohë dhe hapësirë.  Ai nuk na del egoist, i mbyllur në subjektivizmin vetanak, por kur e do çasti dhe e vërteta di ta thotë të vërtetën pa hezitim. Fatoni në të gjitha çështjet që i trajton në libër arrin me shumë racionalitet t’i kapë aspektet më thelbësore prej të cilave krijon vlera monumentale kombëtare, vlera që lëvizin nëpër gjithëkohësi.

        Për më tepër gjatë leximit të shkrimeve të Fatonit, lexuesi kupton se mesazhi i tyre është shtimi i ndjenjës së atdhedashurisë, është ideali dhe shpresa për vetëdijësimin e popullit dhe të udhëheqjes së tij.

       Vepra e Fatonit sikur na vënë në dijeni se çdo vepër në një mënyrë a një tjetër është e pa lëvizshme në formë, por e lëvizshme, e kapshme dhe dritëdhënëse me domethënjen përmbajtësore të saj.

       Libri “Në rrugëtim me Kosovën” i Fatonit është vepër që shprush botën mendore, ndjenjore dhe imagjinative të autorit, është vepër që këndon fatin tonë, jetën dhe ardhmërinë e popullit të Kosovës. Fatoni një kohë të gjatë, e sidomos pas shkuarjes në Amerikë dhe kontaktimit, miqësimit të tij me kongresistë, senatorë, diplomatë dhe njerëz të dijshëm dhe dashamirës të popullit të Kosovës e njerëzimit paqëdashës, përmes artikujve, me të dhëna të bollshme përmes këtyre shkrimeve, ngre çështje dhe reagon kundër pozitës së pabarabartë të shqiptarëve të Kosovës, të Maqedonisë, të Malit të Zi dhe të Kosovës Lindore, për të cilët kërkon të bëhen të barabartë me popujtë e tjerë në të gjitha fushat dhe kështu të gëzojnë lirinë e plotë dhe të drejtat në arsimimin e tyre, në shkollimin, punësimin, në përdorimin e simboleve kombëtare dhe në të gjitha sferat e tjera të jetës e të zhvillimit të papengueshëm. Këto ide Fatoni i shpërfaq gjatë gjithë kohës dhe punës që bën në Amerikë. Gjatë studimeve të tij të dyfishta në shkencat kompjuterike dhe matematikë në Texas dhe me kapacitetin e tij intelektual tregohet gjithnjë kreativ, i frytshëm dhe përkushtues i pasionuar i çështjes kombëtare shqiptare.    

       Të shumta janë problemet që Fatoni ka arritur t’i shtrojë dhe ndaj tyre të marrë qëndrim të drejtë dhe të pranueshëm për lexuesin në përgjithësi.

       Për të parë gamën e gjerë të çështjeve jo vetëm të prekura në shkrimet e Fatonit dhe për të vërtetuar se sa thellësore janë ato, mjafton t’i sjellim disa tituj të artikujve të përfshirë në libër. Fatoni shkruan: Çelësi shqiptar në Washington – DC, Nga ëndërra në realitet, shkruan për Shtëpinë e Bardhë, Njeriu që ndryshoi botën – Ronald Regan, shkruan për raportin e Kofi Ananit në Këshillin e Sigurimit, mbi misionin e OKB-së në Kosovë, për vizitat e disa udhëheqësve e liderve kosovarë në ShBA, përt zgjidhjen e statusit të Kosovës, për rolin dhe brengat e diasporës shqiptare, për fjalët e pamatura të një ambasadori të Shqipërisë në Selinë e OKB-së për qështjen e Kosovës, për Kosovën dhe mediat ndërkombëtare, për rolin, ndihmesën e Ligës Qytetare Shqiptaro – Amerikane, për Universitetin e Prishtinës, për Havier Solanën dhe veprimet e tij si politikan ndaj çështjes së Kosovës e më gjër, për Kai Aiden, për Nikolas Bërns, për Kosovën, për reformat në arsimin kosovar, për zgjedhjet në Shqipëri, për DioGuardin dhe senatorët dhe kongresistë të tjerë që me një përkushtim të madhë kanë ndihmuar dhe janë duke ndihmuar çështjen e Kosovës, për Standardet për Kosoën dhe standardet e Kosovës, për pilot komunat e Kosovës, për ShBA dhe qëndrimin e tyre për statusin përfundimtar të Kosovës, për luftën e UÇK-së, për bombardimet e NATO-s, për punën e dobët të UNMIK-ut, për problemet e shumta me të cilat po përballën kosovarët, për sjelljet jo të mira të disa udhëheqësve të Kosovës dhe të ndërkombëtarëve etj, etj.

       Në pjesën më të mirë të artikujve Fatoni kërkon nga shtresat shqiptare qëndrim më korekt, më të drejtë ndaj punës, kërkon që me vullnet e guxim në të gjitha veprimet të fusin ritme të reja, në mënyrë që t’i përmbushin objektivat dhe aspiratat tona edhe si popull edhe si komb. Sidomos punë më serioze, më këmbëngulëse dhe gjithnjë më të frytshme do bërë në fushën e arsimit, të kulturës dhe të shkencës.

       Reformat e filluara në Universitetin e Prishtinës kërkojnë nga subjektet përgjegjëse përkushtim gjithnjë më të madh, sepse dihet se çdo reformë para së gjtihash është process dhe se proceset duhet të përcillen me instrumente të sigurta, me veprime dhe aktivitet sa të denjë aq edhe serioz. Në këtë kontekst është i art mendimi i Zef Jubanit kur thotë:  “Nuk ka mjet më të mirë për të çmuar një popull, se sa të vëresh gjendjen e shkollave të tij”.

       Faton Bislimi në të gjitha shkrimet i lufton dukuritë negative, dukuritë ahistorike dhe kërkon unitet e vetëdije më të lartë kombëtare, kërkon strategji shumë më serioze në këtë kohë kur duhet të bëhet zgjidhja e statusit të Kosovës. Pra, është idhtar për një bashkërenditje të njësishme kombëtare dhe eliminimin e naiviteteve të njerëzve që sot për fat të keq gjenden në pozita e vende me përgjegjësi për ardhmërinë e fatin e popullit të Kosovës. Fatoni duke elaboruar me fakte vitet nën sundimin e Millosheviqit arrin të sjellë të dhëna interesante për sjelljet tona në ato vite dhe pas dëbimit të Serbisë nga Kosova. Pra, u dasht të vinte viti 1998, që në skenën historike të dilte UÇK-ja e Kosovës, e cila duke gëzuar mbështetjen e pakursyer të faktorit ndërkombëtar, sidomos të ShBA dhe në saje të luftës çlirimtare të bëhet faktor, që lëvizi edhe faktorin ndërkombëtar.

       Lufta çlirimtare e Kosovës është e vetmja luftë që u kurorëzua me fitore, sepse për herë të parë gjatë historisë së re kombëtare u lidhen interesat kombëtare me interesat strategjike të ShBA dhe të Perëndimit në përgjithësi.

       Faton Bislimin e brengosin ditët e pasluftës në Kosovë. Ai në disa artikuj vënë në dritë rrjedhat negative që përditë po e godasin popullin. Si të shpjegohen shpenzimet aq të mëdha në KEK, ndërsa terri vazhdon të na pllakos? Si të arsyetohet numri kaq i madh i njerëzve të papunë dhe të rinisë pa përspektivë? Si të tolerohen sjelljet e papërgjegjshme të disa ministrave dhe këshilltarëve të tyre që përditë zihen në gojë për korrupcion dhe keqpërdorim të detyrës? Si të arsyetohet shkatërrimi i tokës së bukës nga ndërtimet pa leje e pa farë kontrolli? Si të qetësohen shpirtrat e trazuar të familjarëve që gjatë luftës i humbën më të dashurit e tyre e që sot e kësaj dite nuk u gjenden as eshtrat? Si të jemi indiferent nga lotët e dhimbjet e atyre që me ankth i presin të zhdukurit e tyre? Si mund të jemi të qetë nga problemet e shumta sociale kur në të gjitha rrugët e qyteteve tona na vërshojnë skamnorët, lypësit dhe njerëzit që u mungon buka? Si të jemi gjakftoftë ndaj pozitës së arsimtarëve, të cilët marrin paga që s’u mjaftojnë as për bukën e gojës? Si nuk brengosemi me fatin e pensionistëve tanë që krejtë jetën dhe energjinë e derdhën për këtë Kosovë?

       Si nuk na vretë ndërgjegjën mos rregullimi i dokumentacionit të nevojshëm për udhëtime jashtë Kosovës? Si arsyetohet dhe a mund të arsyetohet elita udhëheqëse dhe klasa politike e Kosovës kur në aeroportin e Prishtinës njerëzit me një kurs të kryer realizojnë paga në shumën prej 1900 €. A duhet të dinë më shumë se këto të vërteta këta udhëheqës dhe ku po e çojnë Kosovën e lodhur dhe të tronditur nga këto marifetllëqe. Për këto probleme shkruan me guxim e argumente Fatoni dhe thotë shkoqur: “Nuk duhet heshtur sa për të mbajtur marrëdhënje të mira me të huajt duke lënë popullin e Kosovës në terr dhe pa punë” (f. 113-114). Ose: “Veçanërisht jetimë të tillë janë shqiptarët e Kosovës, të cilët nuk kanë se kujt t’i drejtohen për çfarëdo shërbimi administrativ apo shtetëror për të cilin kanë nevojë” (f. 118),. Ose: “Por nga këta dy milionë njerëz sa ka Kosova, më se gjysma janë nën moshën 25 vjeçare dhe mëse 70% janë të papunë. Papunësia në Kosovë siç shihet kap shifër marramendëse dhe shpesh me të drejtë shtrohet pyetja; se si po mbijetojnë kosovarët? Si po e kalojnë dimrin e po dalin në verë? Çfarë po bëjnë?” (f. 183).

       Në librin e Fatonit lexuesi gjenë shkrime të bukura që flasin për shumëçka që lidhet me rrugët dhe shtigjet e zhvillimit e të pavarësisë së Kosovës.

       Ndonëse janë artikuj me vlera të posaçme, Brenda tyre kemi edhe ndjenja poetike të shprehura me figuracion të qëlluar artistik.

       Vlerë të veçantë kanë shkrimet që u kushtohen kongresistëve, senatorëve dhe figurave të shumta të Amerikës, Evropës dhe vendeve të tjera, të cilat Fatoni i ka konkrtizuar si të ishte një shkrimtar që bën shtruarjen e vetive psikologjike, intelektuale dhe profesionale.

       Duke dashur t’u shpreh mirënjohje të gjithë atyre që ndihmuan, po ndihmojnë në realizimin e aspiratave të kosovarëve, në disa artikuj Fatoni manifeston dashurinë dhe respektin e madh ndaj tyre. Në këtë aspekt dashuria dhe malli që ushqen për tokën shqiptare, për vendlindjen, për Kosovën dhe për çdo gjë që lidhet me historinë e saj, me dëshmorët, martirët e kombit me heroizmin e familjes së jasharajve në Prekaz, të gjitha këto shqetësime, dëshira dhe ëndrra të mishëruara brenda librit, e bëjnë ate sa origjinal aq të papërsëritshëm bombëtar dhe njerëzor.

       Të gjitha çështjet, dukuritë, fenomenet, problemet të ngërthyera në libër Fatoni i ka sublimuar në saje të aftësisë dhe përgatitjes profesionale, në një anë, dhe të ndihmës së pakursyer të prindërve, të miqve dhe njerëzve të shumtë që kanë shprehur gatishmërinë t’i japin ndihmë dhe përkrahje. Prandaj, mund të themi se libri “Në rrugëtim me Kosovën”, është prodhim dhe fryt sa i autorit aq edhe i të gjithë atyre që kanë ndihmuar daljen e tij në dritë. Ndihmë të veçantë kanë dhënë recenzuesit, redaktori, donatorët dhe sidomos Jim dhe Judy Hinkhouse, Ramiz Tafilaj, etj.

       Në fund mund të pohojmë se libri ka rëndësi dhe vlera të konsiderueshme për brezat që vijnë, meqë në to reflektohet një pjesë mbase interesante e ngjarjeve dhe të vërtetave për Kosovën dhe rreth Kosovës.

       Kjo do të na përkujton mendimin e Alber Kamys kur ka thënë se “Të jesh i lirë – nuk do të thotë të flasësh çkado, as të shtosh numrin e gazetave përplot skandale, as të vendosësh diktaturën e re në emër të një lirie të ardhshme. Të jesh i lirë do të thotë para së gjithash ta thuash të vërtetën. Vetëm e vërteta na bën të lirë”. Këto të vërteta dhe këtë liri na ofron libri i Fatonit.

       Në fund e përgëzojmë autorin duke i dëshiruar jetë të gjatë dhe punë të suksesshme në të ardhmen. I dëshirojmë që pas këtij udhëtimi të suksesshëm me Kosovën nga Fatoni të kemi edhe udhëtime të tjera, pasi Fatoni është i ri dhe premton në këtë fushë.

Dr. sc. Faik Shkodra
Prishtinë, më 28.06.2006
Botuar në Epoka e Re, 17 Korrik 2006

Faton H. Bislimi

Libri më i ri:
Në Rrugëtim me Kosovën:
Tatëpjetat dhe të Përpjetat
 

Kush Jemi Ne?

Info për Kontakt