Mirësevini në Faqën Zyrtare të
The Bislimi Group
...duke ndihmuar në realizimin e ëndërrave...

English

 Faqja Amë
 

 Shkrimet
 

 Intereset
 

 Komentet
 

PROJEKTET:

Bursat për Studime Universitare në Amerikë 2007-2008
 

Edhepse është larguar i ri nga vendlindja e tij, Gjilani, Faton Bislimi gjithëherë me mend e zemër ka qenë në Kosovë dhe pjesë e Kosovës, në çdo moment. Sa i përket shkollimit, ai gjithmonë ka patur një etje të madhe ndaj shkencës – veçanërisht ndaj matematikës. Për këtë arsye, gjatë viteve të studimeve universitare në Texas Lutheran University, ai ka diplomuar me nderimet më të larta akademike duke marrë kështu dy diploma universitare – një në Shkenca Kompjuterike (BS) dhe një në Matematikë (BA).

Kurse, në studime pasuniversitare, është duke magjistruar në një program të dyfishtë në Shkollën Postdiplomike të Qeverisjes John F. Kennedy të Universitetit të Harvardit në Administratë Publike dhe Zhvillim (Marrëdhënie) Ndërkombëtare. Pra, intereset e tij kalojnë edhe kufijtë e shkencës ekzakte dhe kapërdijnë edhe shkencat shoqërore.

Por, jashtë sferës akademike, Faton Bislimi mbetet krejtësisht i përkushtuar ndaj çështjeve më të rendësishme me të cilat ballafaqohet vendlindja dhe kombi i tij, dhe në këtë aspekt, natyrisht dhe mbetet i përkrahur pa hezitim nga Grupi. Ky përkushtim pa dyshim se ka shërbyer edhe si burim i energjisë në shkrimet e tij. Mirëpo, jo të gjitha interesat e përzemerta janë shqyrtuar nëpër shkrimet e Faton Bislimit.

Dashuria e tij e pakrahasueshme ndaj fëmijëve është një interes në vete që ka krijuar tek ai entuziazmin për të punuar në projekte që i adresojnë nevojat dhe problemet e fëmijëve. Por, mbi të gjitha, dhimbja e thellë që solli lufta e fundit në Kosovë tek dhjetra mijëra familje shqiptare e veçanërisht tek dhejtra mijëra fëmijë të cilëve iu thyen zemrat në lugun e rritës duke mbetur jetimë, kanë bërë që Faton Bislimi në bashkëpunim të ngushtë më Humanistin e Botës Shqiptare, të përkushtuarin, Ismet Abdyli, do të punojë me zellë e me zemër në krijimin e Fondacionit të Kosovës për Jetimë dhe Fëmijë. Ai planifikon që në një të ardhme të afërt të shkruajë dhe të publikojë në anglisht në SHBA një libër me fokus Kosovën, të ardhurat nga shitja e të cilit anekënd globit t’i dedikojë për këtë Fondacion.  Edhepse për momentin kjo mund të shihet si një nismë skeptike, ne besojmë se me përkrahjen tuaj dhe të bashkëkombësve tanë nëpër gjithë botën, nisma e Bislimit dhe Abdylit për themelimin e Fondacionit të Kosovës për Jetimë dhe Fëmijë që ne e përkrahim fuqimisht, do të bëhet një realitet dhe do të ndihmojë në realizimin e ëndërrave të thyera të më të dashurëve të botës – të fëmijëve.

Fëmijët janë e ardhmja – pra, le t’i bashkojmë forcat për realizimin e ëndërrave të tyre që të sigurojmë një të ardhme të ndritur për kombin dhe vendin tonë. Bëhuni pjesë e iniciativës për krijimin e Fondacionit të Kosovës për Jetimë dhe Fëmijë. Na kontaktoni menjëherë në foundation@bislimi.org.

Projekt tjetër madhor i ideuar dhe udhëhequr nga Faton Bislimi, në të cilin Grupi është krenar të ndihmojë dhe të jetë pjesë përbërese e tij është Programi i Arsimimit për Paqe. Ky program ka për qëllim krijimin e mundësive për të rinjtë e talentuar të Kosovës për t’u shkolluar nëpër universitetet më renome jashtë vendit, veçanërsisht në SHBA.  

Për momentin, Faton Bislimi duke marrë iniciativë personale ka arritur që bëjë marrëveshje me Texas Lutheran University, universitetin nga i cili vet ai ka diplomuar, për t’I ofruar disa bursa shkollimi për më të mirët e më të mirëve ndër studentët e Kosovës. Texas Lutheran University ka vendosur të ndajë këto bursa për Kosovarët e rinjë duke besuar se edhe ata do t’i sjellin universitetit personalitete të kalibrit të Faton Bislimit, që nga zyrtarët e universitetit vlerësohet si njër prej studentëve më të mirë që ky universitet ka patur ndonjëherë. 

Grupi beson thellë se puna intensive dhe me kaq përkushtim e Faton Bislimit do të sjellë rezultate edhe më të mëdha në këtë drejtim. Por, përkrahja juaj dhe e të gjithë bashkëkombësve tanë anekënd është mëse e domosdoshme edhe në këtë Program. Edhe Grupi beson në atë që Faton Bislimi e ka përsëritur disa herë se “Arsimimi kualitativ është çelës i ndërtimit të një kombi dhe shteti përparimtar.” Dhe në këtë frymë për një të ardhme më të mirë, ju ftojmë të kontribuoni edhe ju. 

E ardhmja e vendit dhe kombit tonë është në duartë e të rinjëve. T’i forcojmë këto duar të njoma me njohuritë dhe përvojat më të suksesshme në botë. T’u japim atyre mundësinë e të shkolluarit në nivelet më të larta dhe më të dëshmuara. Dhe kështu, ta ndërtojmë një të ardhme sa më të mirë për vendin dhe kombin tonë. Bashkojuni përkrahësve të shumtë të Programit të Arsimit për Paqe. Na shkruani në scholarships@bislimi.org. 

Faton H. Bislimi

Libri më i ri:
Në Rrugëtim me Kosovën:
Tatëpjetat dhe të Përpjetat
 

Kush Jemi Ne?

Info për Kontakt