Mirësevini në Faqën Zyrtare të
The Bislimi Group
...duke ndihmuar në realizimin e ëndërrave...

English

 Faqja Amë
 

 Shkrimet
 

 Intereset
 

 Komentet
 

PROJEKTET:

Bursat për Studime Universitare në Amerikë 2008-2009

Shërbimet për Studentë

Arkivi i Lajmeve:

Pritet Rritja e Programit te Bursave Arsimim per Paqe ne 2008

Sfidon Partite per te Ardhme me te Mire per Gjilanin - Faton Bislimi ne Zgjedhjet 2007

Bislimi - Panelist Nderkombetar ne Konferencen Nderkombetare te CESA-s ne Kanada

Perzgjidhen Fituesit e Bursave Arsimim per Paqe 2007-08

Bislimi Magjistron dhe Nderkohet me Mirenjohje nga Klasa MPAID-07 e Harvardit 

Bislimi Flet para Bordit të Drejtorëve (Senatit) të Texas Lutheran University

Promovohet Libri "Në Rrugëtim me Kosovën" i autorit Faton Bislimi

Përzgjedhen Fituesit e Bursave Arsimim per Paqe 2006-07

Zv. Kryeministri i Kosoves Falemderon TLU-ne dhe Fondacionin per Programin e Bursave Arsimim per Paqe
 

ARSIMIM PËR PAQE
Bursat për Studime Akademike Universitare në Shtetet e Bashkuara 
2008-2009

The Bislimi Group, organizatë jofitimprurëse dhe joqeveritare, vazhdon me implementimin e Programit të Bursave për Studime Akademike në SHBA – Arsimim për Paqe. Programi është themeluar nga Faton H. Bislimi dhe realizohet nën përkrahjen dhe patronatin e Texas Lutheran University (TLU) në Seguin, Teksas të Shteteve të Bashkuara. Duke qenë programi i parë i këtij lloji i krijuar nga z. Bislimi sipas marrëveshjes me TLU, gjegjësisht me Presidentin e TLU-së, Dr. Jon Moline, ky program shënon edhe projektin e parë me karakter të benefitit publik për Kosovën. Qëllimi i Programit të Bursave është që t’u ofrojë të rinjëve të talentuar nga Kosova mundësinë e shkollimit universitar në SHBA. Këtë vit, Programi ofron tri bursa të plota shkollore për studime në fushën e zgjedhur nga vet kandidati, në Texas Lutheran University.  Grupi dhe TLU shpresojnë që për vitet e ardhëshme numri i bursave të ofruara të rritet.

Shpenzimet e të studijuarit në TLU për një vit arrijnë në mbi $30,000 për student. TLU është njëri prej universiteteve më të respektuara dhe më të kaulifikuara në SHBA në rangun e universiteteve private të zgjedhura dhe rankuara nga prestigjiozja revistë arsimore amerikane US News and World Report.  Studentët e TLU kanë mundësi të studijojnë në dhjetra fusha të ndryshme – duke filluar nga shkencat shoqërore, artet, e deri në shkenca ekzakte. Bursat e plota mbulojnë të gjithë koston e shkollimit, por jo edhe të shpenzimeve tjera. Prandaj, The Bislimi Group së bashku me Kinsmen Lutheran Church nga Houston, Teksas, janë duke u munduar për të krijuar edhe fonde tjera shtesë për t’ia lehtësuar sa më shumë barren financiare të përzgjedhurëve si bursistë të këtij programi. 

Të interesuarit nga Kosova që duan të fillojnë, apo vazhdojnë, studimet universitare në Texas Lutheran University në Seguin, Teksas, SHBA, dhe të konsiderohen për marrjen e burësave në fjalë, duhet të fillojnë me procesin e aplikimit menjëherë. Afati i fundit për të aplikuar është 30 Qershor 2008.  

Vëni Re: 
Aplikacionet dhe formularët tjerë të domosdoshëm do të distribuoen nga zyra e The Bislimi Group në Prishtinë, si dhe përmes kësaj faqe në Internet. Klikoni në formularët e mëposhtëm për të shkarkuar dhe printuar Pakon e Aplikacioneve. 

The Education for Peace Scholarship Program Application and Instructions 2008

TLU Application for Admission 2008-2009

TLU Recommendation Forms 

Për t'i hapur formularet e mësipërm ju nevojitet Adobe Acrobat Reader (PDF). Nëse nuk e keni këtë program të instaluar, atë mund ta merrni falas nga www.adobe.com 

Pyetjet më të shpeshta:

1. Rreth Programit të Bursave “Arsimim për Paqe” . 

2. Kush mund të aplikojë për bursat “Arsimim për Paqe”?

2. Cili është procesi i aplikimit?

3. Si bëhet përzgjedhja e kandidatëve?

4. Çfarë mund të studijohet në TLU?

Përgjigjet:

1. Në nderim dhe respekt të punës akademike të Faton Bislimit gjatë studimeve në Texas Lutheran University, si dhe në përkrahje të idesë dhe kërkesës së tij për ofrim të mundësive sa më të mira të shkollimit kualitativ në SHBA për Kosovarë të rinjë të talentuar, Presidenti I Texas Lutheran University, Dr. Jon Moline, ka aprovuar kërkesën e Faton Bislimit në bazë të së cilës në Prill 2006 është krijuar Programi i Arsimimit për Paqe.  Përmes këtij programi të ideuar dhe përpiluar nga z. Bislimi, Texas Lutheran University (TLU) duke filluar që nga viti akademik 2006-2007 do të ofrojë tri bursa të plotë për studentë Kosovarë që duan të studijojnë në SHBA. Bursat jepen për katër vite, apo gjerë në diplomim të kandidatit. Ky program është i pari i këtij lloji që po fillon të realizohen në Kosovë i krijuar nga një iniciative individuale.

Faton Bislimi ka qenë vet student në TLU dhe ka patur bursë të plotë. Ai ka diplomuar me nderimet më të larta akademike në një afat rekord prej vetëm tri viteve të studimeve dhe ka marrë një Bachelor of Science në Shkenca Kompjuterike dhe një Bachelor of Arts në Matematikë. Puna e tij jashtëzakonisht e suksesëshme gjatë studimeve ka ndikuar esencialisht në marrjen e një vendimi pozitiv për krijimin e Programit "Arsimim për Paqe". 

2. Aplikanti duhet që të:

-    jetë banor legjitim i Kosovës (me disa përjashtime)

-     ketë të përfunduar shkollën e mesme (apo të përfundojë atë deri në Qershor 2007)

-     ketë njohuri të rrjedhëshme të gjuhës angleze, e cila vërtetohet përmes TOEFL (rezultat prej mëse 550 pikëve). Por, në disa raste, nëse gjatë intervistës vërtetohet njohuri e mjaftueshme e anglishtës, atëherë TOEFL mund të anashkalohet.

-     jetë i dedikuar për kthim në Kosovë pas përfundimit të studimeve

-     posedojë aftësi dhe shkathtësi të larta si akademike ashtu edhe në aktivitete tjera joshkollore

-     ketë notë mesatare të lartë (të shkollës së mesme, apo të universitetit nëse aplikanti vec ka ndjekur ndonjë shkollim të nivelit universitar)

3. Procesi i aplikimit është rigoroz dhe krejtësisht i bazuar në procedurat e pranimit akademik në TLU dhe në procedurat e Programit “Arsimim për Paqe.” Secili aplikant duhet që të:

-     përmbushë të gjitha kriteret e aplikimit

-     plotësojë dhe të dorëzojë të kompletuar të gjithë dokumentacionin relevant për aplikim, duke përfshirë: Aplikacionin për Pranim në TLU, Aplikacionin për Bursë Arsimim për Paqe, Dëftesat e Shkollës së Mesme, Diplomën e Shkollës së Mesme, Cerfitikatën e Notave të Fakulutetit (nëse aplikanti ka ndjekur ndonjë fakultet), si dhe dokumentacion tjetër shtesë që shkon në favor të kandidatit (si kopje të mirënjohjeve, diplomave, etj.)

-     paguajë një shumë prej $50.00 USD, e cila do të përdoret krejtësisht për të paguar shpenzimet e procesit të aplikimit dhe pranimit në TLU (në vlerë $25.00), përkthimit zyrtar të deftesave dhe diplomave shkollore (në vlerë prej $75.00), postimit të sigurtë të dokumentave për në TLU (në vlerë prej $70). Pra, kandidati paguan vetëm një pjesë nominale të shpenzimeve, gjerësa pjesa tjetër në vlerë prej mëse $130.00 do të mbulohet nga The Bislimi Group.

Të gjitha dokumentat e kompletuara dorëzohen në zyrën e Grupit në Prishtinë deri në afatin e përcaktuar më lartë. Zyrtarë të Grupit në Prishtinë do rishikojnë të gjithë dokumentacionin e secilit aplikant dhe do të vendosin në seleksionimin e atyre që do t’i nënshktrohen intervisitimit.

4. Përzgjedhja e kandidatëve bazohet krejtësisht në arritjet akademike dhe kualitetet tjera të kandidatit. Performanca positive në intervistë është shumë e rëndësishme gjithashtu. Pas vlerësimit të dokumentacionit relevant dhe të aplikacioneve, dhe pas intervistimit, zyrtarë të Grupit do të shkruajnë rekomandimin përkatës për të gjithë kandidatët. Mandej, të gjithë dokumentacionin e kandidatëve, së bashku me rekomandimet përkatëse, Grupi do t’i dorëzojë në Zyrën e Pranimit të Studentëve në Texas Lutheran University. Komiteti për pranim në TLU mandej do të bëjë përzgjedhjen finale të kandidatëve që do të pranohen në TLU dhe të atyre që do t’u ofrohen dy bursat e plota dhe dy bursat gjysmë të plota, bazuar në dokumentacionin përkatës dhe në rekomandimet e zyrtarëve të Grupit të përgatitura pas intervistimit të kandidatëve. Bursat janë për katër vite, apo gjerë në diplomim të kandidatëve të zgjedhur. Për këtë arsye, Grupi dhe TLU janë pajtuar që procesi i selektimit të jetë sa më koherent dhe sa më efektiv në mënyrë që vetëm më të mirët e më të mirëve të fitojnë mundësinë e shkollimit në këtë universitet prestigjioz amerikan. 
Njerzit profesionistë janë në krye të procesit te selektimit të më të mirëve: Judy Hinkhouse, Magjistre e Arsimit (kryesuese e komitetit per vleresimin e eseve), dhe Norm Jones (Nenpresident i TLU dhe Drejtor i Zyres se Pranimit te Studenteve).

5. TLU u jep studentëve të vet mundësi që të studijojnë në shumë drejtime. TLU ofron këto diploma universitare: Bachelor of Science (BS) dhe Bachelor of Arts (BA). Degët kryesore nëpër të cilat kandidatët mund të studijojnë janë (por ka edhe shumë degë tjera si Criminal Justice, etj.):

Programet tjera profesionale janë:

Mirëpo, TLU ofron edhe një sër programesh tjera akademike si:

Academic Support Center
Center for Women's Studies
Center for Professional Development
Environmental Studies
Honors Program          
International Studies
Internships       
Krost Life Enrichment      
Mexican-American Studies
Air Force/Army ROTC 
Servicemembers Opportunity            
Students with Disabilities
Study Abroad  
Veterans Affairs 
Washington Semester 

Studentët mund të zgjedhin të bëjnë edhe “dual-degree” apo diplomim të dyfishtë në dy lëmi të ndryshme.

6. Shpenzimet e përgjithëshme për një vit akademik në TLU janë dikur rreth $30,000 për një student ndërkombëtar. Vetëm shpenzimet e shkollimit për një vit akademik janë rreth $18,000, kurse ato të jetesës dikur rreth $6,000 në vit. Bursat e plota përfshijnë të gjitha shpenzimet e shkollës për gjithë kohën e studimeve, kurse The Bislimi Group në bashkëpunim me Kinsmen Lutheran Church janë duke u muduar që kandidatëve t’u ofrojnë ndihmesë shtesë financiare për mbulimin e shpenzimeve të jetesës gjatë studimeve në TLU. 
Sidoqoftë, për të gjitha detajet financiare, kandidatët do të njoftohen saktësisht në paketën e aplikimit.

Për më shumë info, na kontaktoni në scholarships@bislimi.org.

Faton H. Bislimi

Libri më i ri:
Në Rrugëtim me Kosovën:
Tatëpjetat dhe të Përpjetat
 

Kush Jemi Ne?

Info për Kontakt